Almaniya

Dadaşov dubl etdi və zədələndi

Almaniyanın “Proyssen” klubu Vestfaliya Kubokunda növbəti matçını keçirib.

Dsport.az xəbər verir ki, azərbaycanlı futbolçu Rüfət Dadaşovun komandası bu turnirin ikinci mərhələsində “Bryunninqhauzen”lə qarşılaşıb.

Futbolçumuzun komandası bu oyundan qələbə ilə ayrılıb - 4:0.

Rüfət də bu görüşün iştirakçısı olub. Komandasının iki qolunu da Dadaşov vurub. O, 32 və 45-ci dəqiqələrdə fərqlənib.

Lakin millimizin sabiq hücumçusu bu oyunda zədələnib. Bu gün tibbi müayinədən keçən azərbaycanlı futbolçunun zədəsinin elə də ciddi olmadığı məlum olub. Bu barədə Münster klubunun rəsmi saytı məlumat yayıb.